1- 2,5դմ3 ծավալով մարմինը օդում կշռում է 24Ն:Կսուզվի՞ այդ մարմինը ջրում, կերոսինում: Պատասխանը հիմնավորել:
V = 2.5դմ3 = 0.0025մ3 P = 24Ն m = P / g = 24 / 10 = 2.4կգ ρ = m / V = 2.4 / 0.0025 = 960կգ / մ3 Ջրում – 960 < 1000 Մարմնի խտությունը փոքր է ջրի խտությունից, հետևաբար մարմինը ջրում չի սուզվի, այլ կլողա։ Կերոսինում – 960 > 800 Մարմնի խտությունը մեծ է կերոսինի խտությունից, հետևաբար մարմինը կսուզվի կերոսինում։
2- Մարմնի կշիռը 6Ն է, իսկ ծավալը՝ 400սմ3 : Կսուզվի՞ արդյոք մարմինը ջրի մեջ:
P=6 Ն V=400սմ3 = 0.0004մ3 m= 6 / 10 = 0.6կգ ρ = 0.6 / 0.0004 = 1500կգ / մ3 1500>1000 Մարմինը կսուզվի ջրի մեջ։
3- 6,5 դմ3 ծավալով մարմինն ունի 5կգ զանգված: Կսուզվի՞ արդյոք այդ մարմինը ա/ջրում, բ/կերոսինում, գ/բենզինում:
V = 6.5դմ3 = 0.0065մ3 m = 5կգ ρ = 5 / 0.0065 = 769կգ/մ3 769<1000 Մարմինը ջրում չի սուզվի։ 769<800 Մարմինը կերոսինում նույնպես չի սուզվի։ 769>700 Մարմինը կսուզվի բենզինում։
4- Կարո՞ղ է արդյոք 350կգ զանգվածով մարմինը լողալ ջրի երեսին, եթե նրա ծավալը 0,4մ3 է:
m=350կգ V=0.4մ3 ρ= 350 / 0.4 = 875կգ/մ3 875<1000 Այո, մարմինը կարող է լողալ ջրի երեսին։
Իրադարձություններով առավել հարուստ ճամփորդություններից մեկը կապված է հանիրավի մոռացված Լա Կոնդամինի անվան հետ։ Այդ ֆրանսիացին արկածներով լի իր կյանքն սկսեց որպես զինվոր, սակայն շուտով ծառայությունը թողեց՝ ռազմական կարգապահության հանդեպ մեղանչելու պատճառով։ Երեսուն տարեկանում Ֆրանսիայի ակադեմիայում քիմիկոսի պաշտոն էր վարում։ Քիչ անց նրան Պերուում ենք հանդիպում, որտեղ աստղագիտական չափումներով Երկրի սեղմվածությունը որոշելու նպատակ ուներ։ Այդ աշխատանքներն ավարտելուց հետո պիտի իր գործը դառնար, սակայն, փոխանակ ընկերների հետ նավ նստելու, Լա Կոնդամինը որոշեց արևմուտքից արևելք կտրել-անցնել Հարավային Ամերիկա մայրցամաքը, որն այդ ժամանակ դեռ բոլորովին ուսումնասիրված չէր եվրոպացիների կողմից։ Կուսական անտառի լիանաների հյուսվածքով խճողված թավուտները կացիններով կտրատելով, Լա Կոնդամինն իր փոքրիկ ջոկատով հասավ Չիմչինե գետի հովիտը։ Այնտեղ ճամփորդները լաստանավ հյուսեցին և ջրապտույտներով ու ջրվեժներով հարուստ Ամազոնկա գետով շարունակեցին իրենց ուղին։ Շուտով ալիքները լաստանավի վրայից քշեցին-տարան արշավախմբի ամբողջ հանդերձանքը։ Մի քանի տեղ գետի հունը նեղանում էր, և ջրի ամբողջ զանգվածն ահեղ որոտով ներքև էր սուրում վայրի կիրճերով։ Հետո նրանց առջև բացվեց մի նոր, երբևիցե չտեսնված աշխարհ։ Լողում էին ծովի պես անծայրածիր ջրային տարածություններ, միայն թե ջուրն անուշահամ էր ու բաժանվում էր ճյուղերի, գետախորշերի, գետաբազուկների։ Մի տեղ էլ լաստանավը քայքայվեց, հարկ եղավ փոխել այն։ Երբ մի օր Լա Կոնդամինն ու իր ուղեկիցները հայտնվեցին, նրանց ծանոթները թերահավատությամբ աչքերն էին տրորում, չէ՞ որ նրանց մեկնելու օրվանից չորս ամիս էր անցել։ Արևադարձային անտառներով չորս հազար կիլոմետր անցնելը հեշտ չէ, նրանց արդեն զոհված էին համարում։
